Feeds:
Posts
Comments

Archive for the ‘Hindi’ Category

Tujhe dekhkar meri aankhon ko jo sukun milta hai
Main kaise bayaan karun
Tujhe sochkar meri baaton me jo junoon dikhta hai
Main kaise bayaan karun

Kaise bayaan karun, apne pichle kuch mahinon ki tadap ko
Aur kaise bayaan karun, apne dil se hui us din ki jhadap ko
Jab ye tha to mere paas, par dhadka tumhaare liye tha
Jab ye khushi se naacha to tha, par bol aur geet tumhare the

Kaise bayaan karun, main is aalam-e intezaar ko
Aur kaise bayaan karun, tere dar pe lage us darbaar ko
Jahan main tha ik fariyaadi, apna dil dene aaya tha
Charche the jiske husn ke har gali, ik dafa mil lene aaya tha

Ab?dekho ek ye aaj ka din hai
Jab teri khusboo, meri saanson ka ik hissa si lagti hai
Aur doori jo thi darmiyaan, ab koi purana kissa si lagti hai

Kis kadar tere nashe mein main dooba hua hun
Kaise bayaan karun
Tujhe paakar main jo aaj yun poora hua hun
Kaise bayaan karun

 

BTS:

I started writing this before my brother’s marriage. Plan was to make him recite this on stage in front of everyone for Bhabhi. But couldn’t finish it on time and gave him the half cooked(only first two stanzas) thing. More than two months got over and finally I decided to finish it today.

And just for fun, this was the actual ending I came up with earlier 🙂

Tujhe paakar main jo aaj yun poora hua hun
Main kaise bayaan karun
Tujhe saamne roz dekhkar jo phool ke?bhatura hua hun
Main kaise bayaan karun

Read Full Post »

Badi masoom si khwahish hai is dil ki
Ye pyaar bhi karna chahta hai
Aur khush bhi rehna chahta hai
Yeh chahta bhi hai rishton ko nibhana
Par na thokar khana chahta hai
Aur na rokar jana chahta hai

Ye sath bhi deta hai
Apne jazbaat bhi deta hai
Doobe jo rishton ki naiya
To badhkar hath bhi deta hai

Ye samajhta bhi hai
Aur samjhaata bhi hai
Roothe jo koi
To manata bhi hai

Par phir bhi na jane
Kyu reh jata hai akela
Samete apni khwahish ko
Ankahi har farmaish ko

Bas ek choti si to zid ki thi
Mera hath pakad kar chalte tum
Mayus jo hota ek pal ko
Seene se jakad kar bharte tum

Aur karte na jo fikr meri
Man rakhne bhar ko keh dete
Ki dil me basa k rakhte hain
Seene se laga kar rakhte hain

Khush ho lete itne mein
Kabhi jyada na manga tumse
Dost ki hi darkar thi tumse
Koi vaada na manga tumse

Itna sa tum na kar paye
Ab tumse aur mai kya mangu
Bas masoom si khwahish rehti hai
Ashkon ki numaish rehti hai

Par aaj ae dil tu kyun roya
Jo kabhi tha na tera, use kya khoya

Read Full Post »

Kya do dilon ke rishtey
Kamjor hote hain itne
Ki bikhar kar toot jaayein
Majboot ho chahe kitne

Saalon ki baandhi ye dor
Jispe kehte hai hum humein naaz hai
Kya aaj bhi hai resham ki buni
Kya aaj bhi shabdon ki mohtaaj hai

Har pal tujhe chaha, har pal tujhe samjha
Sabkuch kiya tera, jo bhi kuch khaas tha
Sehem jo gayi tu, kabhi duniya ke darr se
Roya tere sang, mera saaya tere paas tha.

Lafzon me jo tu bayaan na karti
Nigahon se padh li teri har ek woh baat
Dil jo dhadka tera, jaane se mere
Thama hai mene har pal tera hath

Phir aaj kya hui, khata aisi humse
Jo baithi ho yun, gumsum murjhayi si
Andekha jo kar gaya, ek pal ko tujhko
Tune to kar li, humse ruswayi si

Duniya ki sari, nafrat seh lenge
Gar tu humse naraj nahi
Dilon ke jo rishtey hote hain
Woh shabdon ke mohtaaj nahi

Read Full Post »

Dilwa humaar is bada diler
Ee aawat hai on every chori
Each kona of dil is bhara hua
Then also, tuhaar liye jagah hai thodi

Kaye se ki, jab se dekha hai tumko
Humka to kuch kuch started hoing
Neend not coming, bhook not laging
Bechaini dil ki is day by day growing.

Sochat hain finally ab maar hi dein propose
Aur tumko is dil ka haal batawein
Baith ke knees pe, saans andar kheench ke
Tuhar dil ko apna feelingswa samjhawein

Chahat hain bitawein whole life tuhar sang
Aur har pal ho tum, in front of my eyes
Bride banaike, marriage rachaike
Le javein kahin tumka, bolke sabko goodbyes
.
.
.
.
Hum think hi rahe the ee sab kuch
Ki tuhar friendwa aa gayi saamne
Dekh ke uu ka, heart dhak dhak hui gava
Felt like doosri dilwa di raam ne

Bas phir kya tha, hum to bhool gaye tumka
And dreamens me humre aavo koi aur
Dilwa humaar to hai hi diler
Ek aur ke liye bhi jagah hogi, for sure

At a ending Note:

RIP English

English Vinglish

 

Its a kind request from all my readers that if you can spend 5 minutes from your busy schedule to read my post, then please lend me 1 more minute and give me your valuable feedback regarding your likes and dislikes. Else how would i know the number of people who loved my post and people who disliked it. Please…..Its a request.

Read Full Post »


Mera naam hai Coder Pandey
Jo coding k liye apni jaan de.
Mai din bhar coding karta hun
Nahi Duniya se mai darta hun.
Suabh se leke raat tak
Dhoop se barsat tak.
Sardi ho ya garmi ho
Coding hi meri karni ho.

CodeChef ho ya ho spoj
Coding karke aati mauj.
Coding k liye raat bhar jagta
Choti companies k muh nahi lagta
Mujhe facebook leke jayegi
Google ko meri yaad ayegi
Microsoft mere kadmo me hogi
Aur mai punchunga “Kitna dogi ?”

Nahi karta hun college ki padhai
Bas coding me hai dhoom machai
Ek raat me syllabus complete
Ache achon ko phir kia defeat
Pointers bhi maintain hai
Kyunki faad mera brain hai
Jindagi me nahi koi gam hai
Isiliye meri coding me dam hai.

Jo bhi mere samne aata
Uski maa ka saaki naaka.
Phir bhi kismat mujhpe hansti
Coder ko ladki nahi phansti.
Mil bhi gayi to tik nahi pati
Kyunki lappi hai mera jeevansathi.
Woh puche aaj ka kya program hai
Mai bolu Codechef pe 3000 inaam hai

Usne pucha kya kya pasand hai
Mai bas bola 2 din se coding band hai.
Isliye nahi milti mujhe koi bhi ladki
Dost bhi ab mujhe kehte hain tharki.
Koi nahi hai apna, bas coding hi mere sath hai
Code dekh k ladkiyan bole, wah “bhai” kya baat h.
Yahi sunke khush ho lete ki kahin to hum don hai
Warna to apni life hamesha forever alone hai.

Read Full Post »

Just read it in a flow and rhythm. 🙂

Na ho yun naraj humse
Abhi yeh dil zara udas hai
Tumhe chahte to hain dil-o-jaan se
Par ek ankahi si pyaas hai.

Yeh dil to chahta hai ki
Tujhe bahon me apni mai bhar lu
Teri rooh ko, tere akss ko
Khudme basar mai kar lu.

Chahta hun mera pal pal
Tere pyar ka gulam ho
Jab bhi zubaan khule to
Labon pe bas tera hi naam ho.

Tujhe choo saku, tujhe jee saku
Aisa kahan naseeb hain
Kehne ko hai yahan sab kuch
Phir bhi yeh dil gareeb hai.

Har pal tere na hona ka
Ehsas mujhko hota hai
Dil toot ke bikhar jata hai
Aur tukda tukda rota hai.

Ab aur nahi sahe jaate
Faasle humare darmiyan
Tere bin din to kat jaate hain
Par raatein deti bedardiyaan.

Khatm karo ye narazgi ab
Dilon ko phir paas aane bhi do
Janta hun dard tumko bhi hai
Bas bahut hua ab jaane bhi do.

Ek pal ko bhi na chain aaya
Hai dil tanha, tu gai hai jab se
Har ek pal, har ek din
Tere aane ki raah, dekhta hun tab se.

Read Full Post »

Aaj dil ye mera kehta hai mujhse
ki le chal mujhe ek aisi jagah
Na ho jahan dard kisi k dil me
Na ho ankhon me ashkon k mele
Na kisi se kisi ko baer ho
Jahan sabko sabki khaer ho

Jahan khusiyan gharon me basti hon
Jahan kaliyan kil kil hansti hon
Jahan sabko sabse pyar ho
Na ek duje se takrar ho
Charon oor bahe ek thandi pawan
Barse ghata, jhoome gagan

Jahan log dil k saaf ho
Jahan har gustaakhi maaf ho
Umeedon se jahan bhare ho nain
Man paye jahan, sukun o chain
Har koi sukh dukh ka sathi ho
Jahan bas dua hi lab pe aati ho

Par ye dil zara nadan hai
Nahi duniya ki ise pehchan hai
Klayug ke pher se door hai
Mera dil jara masoom hai
Nahi janta h ye ki, ab waqt badal gaya h
Is dil ko chodke har insaan sambhal gaya h

Ab dil ko kya samjhau mai
Kaise use batlau mai
Ki jahan puri hoti thi sabki mannat
Kho gayi dhara se aisi jannat
Ab apne hi apne dushman hain
Lalach bhara hai kan kan mein

Phir bhi is dil ko aas hai
Ki woh sunahra waqt ab paas h
Jab pyaar ki pyaas satayegi
Paison se khusiyan na mil payegi
Tab duniya ko gunah samjh me ayega
Mere dil ka sapna sach ho jayega.

Read Full Post »

Older Posts »